A ___ K A C H A R E L A

O vídeo do concurso INFOFALA

2008-06-06T17:13:00.004+02:00

estamos no momento
queda nada
este días fallarase o Concurso Infofala, para todos os centros educativos da bisbarra
Non hai favoritos
hai creadores
Aquí podes ver o vídeo que o alumnado de 4º ESO presentou ó Infofala
Está en Youtube

Gozada de Festival!!!!!!

2008-05-30T23:43:00.015+02:00

O venres 30 de maio do 2008 será recordado nos anais do IES laxeiro como o día no que se celebrou o I Festival das Letras Galegas-Fin de curso.Cun "ambientaso" colosal, cunha implicación como poucas veces se ten visto por parte de todos, cunha montaxe que deu o seu traballo (pero que compensou amplamente as penalidades) e cun resultado do que gozou todo o mundo, o Festival parece ter o futuro asegurado. A hora e media que se lle dedicou foi intensa, quedou escasa. Aínda chovendo, todos tiñan ganas de máis (incluso os que estaban de pé). Pois apuntarse para o vindeiro curso, home!!
Pero como calquera imaxe serve mellor que centos de palabras, aí vos vai unha pequena mostra. Noraboa a todos, especialmente aos que actuaron, con Alba Vázquez de grande triunfadora polos moitos aplausos colleitados e o "bis" final.

PREMIOS:
categoría A: individual e parella:
1º.-Alba Vázquez (2º ESO B) (Cunha versión ao galego de "El sol no regresa")
2º.-Pedro A. Agostini (3º ESO A) (Con 5 solos de guitarra eléctrica)
3º.-Laura Viana (1º ESO A) (Cunha versión de "CAl y Arena" de Merche)
categoría B: grupo de máis de dous:
1º.-Os do Parkour (Acrobacia urbana)
2º.-Tomá-tomá-tomá (concurso parodia sobre músicas tradicionais)
3º.-Os Cantamañás (cancións folk)Alba Vázquez puxo en pé ao público coa súa actuación.
As presentadoras: simplemente perfectas.
Laura Viana encandilou totalmente ao público coa súa fermosa voz.
Cantamañás: coa mellor tradición folk, levaron un premio.
Non podía faltar o baile. E non o fixeron nada mal!
Tomá-tomá-tomá, ou o que é o mesmo: "showman Carliños e tropa" facendo das súas.
Os do Parkour foron a grande sorpresa do festival!Os profes tamén lle deron, ai logo!

Xosé Miranda e outras aventuras

2008-05-28T23:03:00.006+02:00

A actividade extraescolar de Normalización Lingüística O ESCRITOR NO SEU CONTORNO, dedicada este curso ao narrador lucense Xosé Miranda, tivo a súa culminación (pois antes leramos a súa obra) na visita á cidade das murallas o luns 26 de maio. Contando coa experiencia e sabiduría do autor de Morning Star, que exerceu de cicerone, visitamos o Museo provincial, percorremos a Muralla Romana, e escoitamos de primeira mao esa mestura de realidade e ficción que amosa nas súas novelas. Foi unha mañá, digámolo así, plena.Pero a tarde non quedou atrás. Iso si, sempre acompañados da choiva, como se quixese deixar en nós unha fonda pegada. E vaia se a deixou. As imaxes falan soas.Castro de Viladonga: vídeo, museo e percorrido pola coroa do castro sen deixar de caer auga.O Cebreiro: pallozas, igrexa e poboado prerromano, sempre chovendo sobre mollando.Camiño de Santiago: cando entre Renche e o mosteiro de Samos parecía que escampaba, botárona a baldes. Pero nin sequera "os elementos" foron quen de escorrentar a esta tropa de aventureiros pouco preparados (todo hai que dicilo) para o bulleiro.

En fin, que foi unha magnífica xornada de aprendizaxe.

Éxito en You Tube: Chiqui Resaicling

2008-05-21T10:32:00.004+02:00

Xa fai furor en You Tube o último, que non derradeiro, éxito do alumnado do IES Laxeiro: Chiqui Resaicling. Participando no Infofala (concurso de Normalización Lingüística do Deza no que están a participar), o grupo de rapeiros formado por Iolanda, Alex, Carlos, Serxio, Adán e Poza coa cámara, todos eles de 4º ESO, fan unha proposta rachadora e moi ecolóxica. Podes velo nesta páxina: http://es.youtube.com/watch?v=MZ9EL6lsSKQ

UNHA FLOR, SI

2008-04-18T16:47:00.007+02:00

Que opinas ti disto? A foto foi feita na entrada do IES. Á parte do papel de chicle tiña unha cabicha de cigarro.

¿Queredes deixar mensaxe a quen fixo isto? Non vos cortedes, ela tampouco o fixo

(Nrrmalmente podes ver ampliada a foto con dobre toque)

Fallo do Concurso de Carteis Enxebres

2008-04-18T09:02:00.009+02:00

Reunido o xurado, decidiu os seguintes premios:
CATEGORÍA A: Carteis con apoio fotográfico:
1º Premio: Nº 28: "A 8ª marabilla do mundo: o galego".
Autor: J. Anxo Ayude Fernández, de 3º B.2º Premio: Nº 32: "Marca un gol en favor do galego".
Autor: Xoán Fernández Reboredo, de 3º C.3º Premio: Nº 38: "Divertido, bonito, orixinal, o galego tenos por igual".
Autora: Patricia Vázquez Gil, de 3º D.CATEGORÍA B: Carteis sen apoio fotográfico:
1º Premio: Nº 5: "Día e noite en galego".
Autora: Jenifer Fernández Rodríguez, de 3º B.2º Premio: Nº 43: "Riza no rizo co galego".
Autora: Marta Galego Cagide, de 4º C.3º Premio: Nº 22: "Galego forever".
Autor: Rodrigo Vázquez Blanco, de 4º C.

O concurso de Carteis, exposto

2008-04-12T11:53:00.004+02:00

No primeiro andar do Edificio A do IES Laxeiro figura a exposición que para o Concurso de Carteis relacionados coa Lingua Galega realizou o alumnado de Plástica. Coordinado por Arancha e co apoio de Normalización Lingüística, nos próximos días o Xurado emitirá o seu veredicto. De inicio comprobamos que non vai resultar doado de resolver, dada a cantidade e calidade dos traballos. Deles ofrecemos unha pequena mostra.

O Festival, en marcha

2008-04-12T11:25:00.003+02:00

Púxose en marcha a novidade para este curso, O Festival das Letras Galegas-Fin de Curso do IES Laxeiro. Para o 30 de Maio, venres.
Agora só queda que se apunten os artistas. No cartel figura canta información se precisa.

Avionando?

2008-03-15T00:02:00.012+01:00

O xoves 14 de Marzo será recordado no IES Laxeiro pola actividade celebrada no ximnasio. Trátábase de confeccionar avións de papel e participar nun concurso-competición no que se medían varios parámetros, entre eles a distancia percorrida. Ata aí todo claro. Pero logo resultou que, por diferentes causas, non todo saíu como se agardaba.

Algunhas das preguntas que todos nos facemos son: Hai que modificar a normativa de Actividades? Hai que seleccionalas mellor? Hai que intentar implicar máis ao profesorado e ao alumnado? Debe participar só ao alumnado ao que lle interese? Que se pode facer para mellorar ou que non se repita o que ven pasando con excesiva frecuencia?
(esta noticia foi modificada nos seus termos por indicación do profesorado, ao que lle agradecemos a suxestión)

Premiados:
-Pedro Agostini: (distancia)
-Jesús Brey :(duración)

Asesor técnico en aviónica: J Manuel Poza

CENTENARIO DE LAXEIRO

2008-03-12T12:33:00.005+01:00

Con motivo da celebración do centenario do nacemento do pintor lalinense Laxeiro (si, o que lle deu nome o instituto) realizouse unha exposicion no corredoiro de exposicións do instituto que recolle os famosismos Monos de Laxeiro, na que se recolle unha ampla colección de caricaturas cos seus comentarios da época (1928-30)

Vos podedes votar a caricatura que mais vos gusta aqui, que é a nova web do IES.

Espero que pasedes pola exposición que lle botedes unha ollada, (e votedes as mellores!)

Tamen podedes ver outras obras de Laxeiro en foto.

-O pé de foto desta imaxe é: --"Din que vosté os saca moi ben. A ver se é capaz de sacar ao meu compadre da taberna"--

Un saúdo a tod@s

A LIGA CADA VEZ MÁIS AXUSTADA

2008-02-27T13:56:00.004+01:00

Non nos referimos á Liga de Fútbol entre o Madrid e o Barça.

Referímonos á Liga do Laxeiro. Os empates e os resultados axustados son cada vez máis frecuentes, e xa non hai equipos pequenos. A liguiña final que xoguen os ... mellores clasificados vai estar moi competida

O xoves 28 de febreiro mediránse as forzas e os folgos outra vez estes equipos. Calquera resultado pode ser decisivo para a clasificación final. Acudide se queredes ver espectáculo...

EQUIPO		Clas.
Antiprofes	13	2º> 1º
Rochados	8	4º>5º

Chacaritas	3	5º>3º
Killers	0	11º-11

Sanders	3	6º-6º
Cracks	0	7º-7º

Catástrofes	3	9º>10º
Intocables	18	10º>9º

E se queredes ver espectáculo con balóns, mirade este vídeo.
A traducción sería: "Habilidades futboleiras que pagan facturas".

Aprende, Aitor!!

FALLO do Xurado do CONCURSO FOTOGRÁFICO

2008-02-20T17:25:00.004+01:00

Xurado:

Alumnado (de 4º da ESO): Alex Domínguez, Carlos Vilardefrancos, X.Manuel Poza, Francisco Dobarro, Alba Cuñarro e Paula Taboada
Profesor membro da Dirección: Moisés Amado
Profesora de Plástica: Arancha Diñeiro
Profesor membro de Normalización Lingüística: Xabier Quiroga
PREMIADOS por Categoría:
CATEGORÍA A: para Fotos Enxeñosas relacionadas coa nosa Galiza.
1º Premio: CHEQUE de 40 €, para gastar nunha libraría de Lalín, e Diploma:
“Fonte Natural”: Martín Vázquez, 3ºC
2º Premio: CHEQUE de 30 €, para gastar nunha libraría de Lalín, e Diploma:
“O can da cancela”: David M. Utrera, 3ª D
3º Premio: CHEQUE de 20 €, para gastar nunha libraría de Lalín, e Diploma.
“Perigo, paso estreito”: Carla Riádigos, 3º B
CATEGORÍA B: para denunciar o Feísmo ou o Mal Feito (Desfeita).
1º Premio: CHEQUE de 40 €, para gastar nunha libraría de Lalín, e Diploma:
“A casa dos contrastes”: David M. Utrera, 3º D
2º Premio: CHEQUE de 30 €, para gastar nunha libraría de Lalín, e Diploma:
”Un Iglú en terras galegas”: Martín Vázquez, 3ºC
3º Premio: CHEQUE de 20 €, para gastar nunha libraría de Lalín, e Diploma:
“As dúas caras da moeda”: Diego Blanco Sanjurjo, 3º B

Noraboa aos premiados

DIA DOS TOXOS NAMORADOS

2008-02-15T16:32:00.004+01:00

Ás veces dis de alguén "É un toxo", dicindo como que non é moi cariñoso precisamente.

O día dos namorados, a xente de 4º para sumar cartiños á excursión ofrecía Rosas, Craveis, Bombóns, etc., que o día sinalado ían entregando polas clases, para gustazo das persoas regaladas, e para chiste das que recibían ... a flor que máis rendiu: O TOXO

A verdade é que o toxo marelo é ben bonito...

E é complicado dicir "Querote"...

O concurso de fotografía, no forno

2008-02-07T14:04:00.001+01:00

As fotografías presentadas ao Concurso de Fotografía xa están expostas nas paredes do IES Laxeiro. Agora só falta que o Xurado pase a revisalas e emita o seu veredicto. Neste curso foron menos os que se animaron, pero segue habendo suculentos premios. Ti, desde aquí, tamén podes valorar e asesorar. Nestes "collages" resumimos a aportación do alumnado.

Música galega para todos

2008-01-24T16:32:00.000+01:00

Agora escoitar música galega xa é posible grazas á páxina web de Radio Blogaliza, onde poderás elixir o grupo galego que máis che guste para así escoitalo á vez que os demais galegos tamén escoitan a túa petición.

Para isto só debes descargar un reprodutor de música que non sexa o de Windows, logo entras na páxina web, e alí, pinchando en peticións, aparécenche unha gran variedade de grupos galegos.
Escolle o teu preferido, marca unha canción e poderás escoitar a túa canción cando sexa o seu turno.

Tamén poderás ver noticias de Galicia, así como algunha reportaxe.
Anímate e entra na web, pasarás o tempo e descubrirás os grupos que temos aquí tan preto de nós.

Apoiando aos equipos galegos

2008-01-24T13:37:00.000+01:00

O pasado 12 de xaneiro un grupo de alumnos e alumnas do IES Laxeiro achegáronse a Lugo para asistir ao partido de baloncesto da liga LEB Ouro entre o Leite Río Breogán de Lugo e o Beirasar Rosalía de Santiago.

X. M García

EMPEZA O COCIDO, MOTORES EN MARCHA

2008-01-23T13:23:00.000+01:00

ENTREVISTA A UN MEMBRO DA ESCUDERÍA LALÍN-DEZA:

ALEJANDRO MOURE SILVA.

RELACIONADO COA ESCUDERÍA:

1. Desde que anos formas parte desta escudería?
A primeira vez que colaborei coa escudería Lalín-Deza foi no II Rali do Cocido, no ano 97, daquelas tiña 13 anos e era comisario de ruta. Naquel entón o Rali do Cocido era unha proba cativa dentro do campionato galego de ralis, pero hoxe en día é unha das grandes referencias do campionato.

2. Cal é a túa labor dentro dela?
Pois na escudería estamos un grupo de xente que traballa todo o ano para conseguir levar a cabo o rali, non só o do Cocido, xa que colaboramos con outras organizacións que logo nos axudan a nós.
Ó ser un grupo dividimos as tarefas. Por exemplo eu este ano fun o encargado de confeccionar o Rutómetro xunto cos membros que levamos a seguridade. Aparte o día do rali irei na caravana de “Seguridade Adxunta”, vixiando que todos os cruces estén ben pechados, que a xente se coloque ben é en lugares seguros…

3. Cales son os novos proxectos desta escudería?
O principal é manter o coeficiente 8 que un ano máis nos foi otorgado, que é o máximo. Os últimos anos o Rali de Narón e Cocido son sempre os mellores.
Proxectos temos varios en mente, o principal é facer un circuito, aínda que tamén nos gustaría chegar a organizar un rali do campeonato de España, ainda que resulta complicado

AFECCIÓNS:

4. Cal é o momento en que comezas a sentir afección cara o relacionado co motor?
A primeira vez que fun a un rali tiña 5 anos e pensaba que ia ver pasar coches de fórmula-1, cando vin que eran coches normais levei unha decepción, á parte de que facían un ruído enxordecedor e case que lles tiña medo. Foi un rali de Ourense e levoume o meu tío, que sempre foi un gran afeccionado. De ter medo a ver pasar coches de rali empezoume a gustar e así, pouco a pouco, fóiseme metendo o “gusanillo”.

5. Á parte do motor, cales son as túas outras afeccións?
En xeral gústame todo o deporte, pero o fútbol é o que máis.

6. Practicas algúns deportes?
O fútbol, estou no S.D. Rodeiro en segunda autonómica.

6.b Polo que teño entendido gustaríache ser piloto de ralis, é isto certo?
A verdade é que non me disgustaría, aínda que non me saca o sono.

7. Hai alguen ou algo que cho impida?
Non. Tampoco é que o buscase nunca, á parte de que teño moito a que dedicarme e pouco tempo.

8. A que te dedicas actualmente?
Estou estudando enxeñería técnica electrónica. Quen sabe, ó mellor nuns anos estou metido nun equipo de ralis programándolle as centralitas electrónicas ós coches.

RELACIONADO CO RALI DO COCIDO:

9. Cando se celebrará este ano?
O 29 de febreiro serán as verificacións e o 1 de marzo será a competición propiamente dita.

10. Cando será a exhibición ?
En principio será 15 dias antes do rali, o 16 de febreiro.

11. En qué lugar?
Nun recinto amplo, con máxima seguridade, haberá gradas para que se coloquen os afeccionados. Será un circuito e virán grandes pilotos que nos deleitarán ca súa conducción. Quizais no Poligono Lalín 2000 debido a que hai amplos espazos.

12. Cales son os patrocinadores deste rali?
Moitos, sen os cales sería imposible levalo a cabo. Un ano máis o centro Comercial e de Ocio Haley será o principal, o Concello de Lalín, a Deputación de Pontevedra, os Concellos polos que transcurre a proba e multitude de empresas.

13. Cantos corredores participan?
Serán como máximo 150, pero calculo que sobre 130 como os últimos anos.

14. Vai haber "algo" especial?
Esperamos dar algunha sorpresa, de feito adiantamos a proba para primeiros de marzo para que viñensen pilotos que se centran no campeonato de España, e veñan a Lalín probar as súas monturas polo que gañaríamos en espectáculo xa que son pilotos rapidísimos con grandes medios para competir.

15. De onde veñen?
A maior parte de Galicia, aínda que non descartamos algun de comunidades limítrofes como Asturias ou do país veciño como xa viñeron en edicións pasadas.

16. Que custo ten este rally?
Hai anos custaba uns 30.000 €, e agora andarase sobre os 100.000 de gastos. Esta suba é debida ó custe do seguro da proba, aluguer de equipos de cronometraxe, pesaxe, aluguer de vallas, premios….

Unha reportaxe de Lorena Moure

Deportes: Liga de Futbol Sala.

2008-01-17T12:51:00.000+01:00

Xornada 17 Xaneiro. Pásase ata dentro de 15 días, pola Gala do Cocido

Vide a animar aos vosos equipos, e pasade un rato !

Hora	Xogan		Arbitran	Pista
16:00	CHACARITAS	…	KILLERS	Goma
	OS ROCHADOS	…
16:00	BULLS FS	…	PANCHOLOS	Cemento
	INTOCABLES	…
16:45	CRACKS	…	BULLS	Goma
	PANCHOLOS	…
16:45	KILLERS F. S.	…	PANCHOLOS	Cemento
	CATÁSTROFES	…

¿QUEDAMOS PARA UN PARKOUR?

2007-12-26T16:47:00.000+01:00

Estamos na onda dun novo xeito de enfrontarse á cidade, de trazar a ruta que che de a gaña, de saltar os obstáculos, de mover o corpo, de facelo chulo...

Empezou antes en Francia, Brasil :), Portugal, Vigo..., para moverse por entornos máis ou menos urbanos .

Tamén o practican mozas, pero parece que os mozos son os que máis fardan.

Aqui empeza con forza! Esto é o Parkour (ou Free running) 2007!

----------------------------------------->

Ocúrreseme pensar:

-Os espazos de xogo para a xente moza, cambiáronse por cemento ¿Como cambiou Lalín en espazos de xogo dende hai 20 anos? Hai lugares específicamente delimitados para xogar, non te podes saír de aí. Os rapaces máis pequenos (5-10 anos) só poden xogar no parque, ou no ciberespazo. ¿Onde xogaban os seus pais? Xa non se xuntan as pandillas para “ir por aí”. A xente xúntase onde lle mandan, onde lles cobran, onde lles marcan. ¿Por eso a mocidade reaccionou e fai botellón, o único xeito de ir a onde lle presta, charlar coa súa xente, coa súa música...?

E eso pasa en todas as cidades e vilas o o mundo mundial. Aqui tamén

-Todos estas novas actividades deportivas veñen con nomes en inglés, en francés... ¿Poderiamos traducilas, ou hai que afacerse ao inglés?

-Para todo nesta vida: Hai que practicar, entrenar, disfrutalo e divertirse en boa compaña. Logo pódese ver, cando xa non poidas dar saltos tan grandes, non?

XOVES DE LIGA

2007-12-14T11:06:00.000+01:00

Aquí tedes os resultados do :Xoves día 13 de decembro.

-

Os Catástrofes	0	Sanders	6
Bulls FS	7	Killers FS	4
Antiprofes	3	Os outros	0
Os Chacaritas	13	Os Intocables	2

Campeóns de Inverno: Os Antiprofes

Novas akachareladoras

2007-12-01T16:23:00.000+01:00

Xa estaban no consello de redacción pero agora vanse facer cargo, tamén, de administrar o blog. Son:
Lorena Moure Silva e Fátima Mosteiro Meijide (de 4ºESO B),
que se engaden aos xa habituais:
Alba Cuñarro López, Alex Domínguez Lamela e Paula Taboada Troitiño (todos de 4º ESO A),
xunto co "mister espectáculo":
Carlos Villardefrancos Toimil (4ºESO A)

MAGOSTO

2007-11-29T11:06:00.000+01:00

Magosto no Laxeiro
O mércores 28 de novembro celebrouse nas dúas últimas horas unha venta de castañas e bombóns no patio, acompañada dunha actuación da xa famosa charanga "E Veña Viño " do IES Laxeiro, que segue co mesmo repertorio de sempre, pero é que ós pobres no lles dá a cabeza para máis. Cómpre dicir que non foron moitas as ventas, pero aínda así o ambiente de alegría víase (e escoitábase) dende lonxe. Como exemplo disto temos un comentario dun amigo meu que me dixo pola tarde: "Escoitábasevos dende o parking Europa". E que iría facer el alí?
Ben, as vendas non foron moi elevadas, pero o importante foi que o pasamos todos moi ben (e ademais perdemos clase). Como pon arriba, o repertorio da charanga foi o mesmo de sempre "se e que non teñen tempo para facer imnovacións). Pero de seguro que nas próximas actuacións nos van deleitar cun novo e mellorado.
Un saúdo para tod@s!!!!

Esta foto é da boina que tiñan os da charanga para que
a xente botara o soldo do mes. Vaia cara que teñen!

EXCURSIÓN A FUNDACIÓN CAMILO JOSE CELA

2007-11-23T11:24:00.001+01:00

Fundación Camilo José Cela
Os alumnos e alumnas de 4º de ESO realizaron unha excursión á Fundación Camilo Jose Cela en Iria Flavia, Padrón. Primeiro fixeron unha visita á Fundación Cela e logo ao Museo do Tren, na honra do avó do escritor. Na primeira chamaban a atención as sedas xaponesas con debuxos que, por definilos dalgún xeito, "eran para maiores de 18 anos", por erótico-pornográficos. Do éxito que tiveron dá conta unha das fotos, e se non me credes preguntade aos alumnos que foron a excursión!

NOVA XORNADA DE LIGA

2007-11-16T11:21:00.000+01:00

LIGA LAXEIRO
Onte, 15 de novembro, celebráronse varios partidos:
-Craks vs Killers F: 4-6
-Os Intocables vs Os Outros: 3-4
-Bulls F.S vs Chacaritas: 4-9
-Sanders F.C vs Os Rochados: 5-4
COMENTARIO:
Bulls F.S vs Chacaritas.
Para comezar dicir que un partido non se pode arbitrar dende cerca da esquina de córner e non se mover do sitio, arbitrando por ciencia infusa. Aínda que o pichichi dos Bulls (Blanquiño) estivese lesionado, conseguiron aguantar a primeira metade, pero na segunda xa se comezou a notar o cansazo. Moitos dos goles na porta dos Bulls debéronse a que o porteiro se encontraba só e no ataque dos Chacaritas subían de 3 en 3.

KACHARELA CIENTÏFICA

2007-11-09T13:36:00.000+01:00

Nova Kacharela Científica.

Esta nova Kacharela está creada por petición de algunhas persoas ( Juanjo,Xose López, Jose Manuel poza, Sebas García ...).
Foi creada para expoñer cuestións, artigos, curiosidades e outras moitas cousas relacionadas coa ciencia e derivados.
Esperamos que teña tanta participacón como a orixinal.
En breve sacaremos outras seccións.

Aqui tedes a páxina: kacharela cientifica

LIGA LAXEIRO

2007-11-09T11:29:00.000+01:00

LIGA DO LAXEIRO:
Onte xoves 8 de novembro disputáronse os seguintes partidos:
- Jozofellos vs Os Outros: 5-8
-Os Pancholos vs Os Rochados: 12-3
-Craks vs Os Intocables: 5-8
-Antiprofes vs Sanders F.C: 10-0

EXCURSION FIN DE CURSO

2007-11-08T10:59:00.000+01:00

Todas as persoas interesadas en colaborar con esta excursión poderán facelo de diversas formas. Ao longo do curso irémolas poñendo aquí. Por exemplo:
-Doando cartos directamente aos alumnos de cuarto
-doando cartuchos de tinta usados
Grazas pola vosa colaboración!

ESCOLA DE GAITAS

2007-11-06T11:17:00.000+01:00

Concerto de Horacio Cabezas, profesor da Escola de Gaitas da Provincia de Pontevedra
O pasado día 16 de outubro realizouse no salón de actos do Laxeiro un interesante concerto de variados instrumentos folk : frautas, tambores, gaita electrica, culleres...
Espero que disfrutarades todos os profesores e alumnos que asististes a el. Para os que non foron, aqui tedes unhas fotos.

Mini Biblioteca

2007-11-06T10:49:00.000+01:00

Que Ambientazo!!!

Non sei se teredes a mesma impresión ca min pero creo que
isto queda un pouco pequeno...
No inverno non está mal porque xa se sabe, cando hai roze non
hai frío.
Eu non sei a que se debe esta situación, pero eu supoño ( e non
creo que me engane moito ) que se debe a que os alumnos
non fan os deberes na casa e nos recreos éntralles a présa.
Non o credes así?
A traballar máis na casa rapaces que senón non collemos todos!!

Bota unha mao

2007-10-30T11:05:00.000+01:00

Colaboracións
Interesados en colaborar co blog (cun traballo,unha entrevista,unha noticia...) que se poñan en contacto cos administradores: "Heladero", Alba e Paula (4º ESO A)

moitas grazas pola túa colaboración!!

COMEZA A LIGA NO LAXEIRO

2007-10-26T13:55:00.000+02:00

Por fin comeza!!!

O xoves 25 de outubro disputouse o primeiro partido de liga entre
os Antiprofes e os Bulls FS co resultado final 6-3 a favor dos Antiprofes.
Este partido comezou cun golazo dos Bulls no primeiro minuto de xogo, ós
cinco minutos de partido gañaban cero a dous. O equipo comezou a súa caída
despois do catro a tres, que seguiu en aumento para os Antiprofes.
Tamén o hai que dicir: foi un bo partido e estivo moi reñido.

O segundo encontro disputouse entre Os Catástrofes e Os Chacaritas, rematando cun
resultado de 17 a 3, vitoria dos Chacaritas.
Este partido non o vou comentar porque non o vin. Chegará con algunhas fotos dos fenómenos.

Un Saúdo A Tod@s!!!

EXCURSION AO GROVE

2007-10-26T11:19:00.001+02:00

Excursión ó grove

O día 15 do mes de outubro os alumnos e alumnas de 2º de ESO realizaron unha excursión ó Grove.

Nela visitaron un acuario e realizaron unha viaxe en catamarán. Seguramente o pasaron de marabilla, pero se non me credes aquí tedes algunhas fotos do acontecemento.

INICIO

2007-10-25T11:11:00.001+02:00

Ola rapaz@s!!!

Neste curso modernizámonos,
temos páxina web no canto da revista de sempre.

Así que en lugar do misto para queimala, este ano teredes que usar
un virus algo potente.

Tamén, se queredes (obrigatorio) doar cartos para a excursión
de fin de curso de 4º non hai o máis mínimo problema.

Un saudo a tod@s!!!

os akachareladores

2007-10-24T17:16:00.000+02:00

Administrador@s:
Alba Cuñarro López (4º ESO A, O Sixto-Dozón)
Alex Domínguez Lamela (4º ESO A, Lalín)
Paula Taboada Troitiño (4º ESO A, Vilatuxe)
Consello de Redacción:
Vanesa Blanco Pájaro (4ºESO C, Noceda)
Diana Pereira Fernández (4ºESO C, Lalín)
Alejandro Campos Lareo (4ºESO C, Carbia)
Francisco Xosé Varela Areán (4º ESO C, Sixto de Anzo)
Alejandro Alló Iglesias (4ºESO C, Lalín)
Carlos Villardefrancos Toimil (4ºESO A, Vilatuxe)
Lorena Moure Silva (4ºESO B, O Sixto-Dozón)
Fátima Mosteiro Meijide (4ºESO B, Orre-Agolada )

Equipo de normalización

2007-10-23T13:24:00.000+02:00

Estamos de probas, rapaz@s
así que
a sufrir
que estaba Karwia

se todo son atrancos

algún desatrancador que desatranque haberá

ou que?

E lojo non??

E lojo si??